Kumfundisha hesabu mtoto wa mwaka mmoja inaweza kuonekana kuwa changamoto, lakini unaweza kuanza msingi wa hesabu kwa mtoto kwa njia ya kufurahisha na kushirikisha. Hapa kuna hatua tano za kuanza:
I. Kuhesabu kwa kutumia Vitu:
Anza kumfundisha mtoto wako kuhesabu kwa msaada wa vitu vya kila siku kama vile vitu vya kuchezea au matunda. Kuhesabu vidole vya mikono na vidole vya miguu, vitu kama blocks, au hata vipande vya mbegu kama korosho au mapeke ya matunda vinaweza kuwa njia rahisi na ya kufurahisha ya kuanzisha nambari.
II. Imba Nyimbo na Mashairi:
Ingiza kuhesabu katika nyimbo na mashairi. Kuna nyimbo nyingi za watoto na nyimbo zenye kuhusisha kuhesabu, kama vile “Mabata Madogo Madogo Yanaogelea” huku ukitaja idadi yabata wanaoogelea katika shamba zuri la bustani. Kuimba nyimbo hizi pamoja kunaweza kufanya kuhesabu kuwa jambo la kufurahisha zaidi.
III. Tumia Picha:
Tumia picha kama kadi za nambari zenye nambari kubwa na za rangi inaweza kusaidia mtoto wako kuunganisha nambari na wingi wao. Mwonyeshe nambari na umwombe kuzihesabu kwa sauti au kuzitolea vidokezo juu ya vitu vinavyolingana na nambari hizo.
IV. Cheza Michezo ya Hesabu:
Michezo rahisi ya hesabu kama vile kujenga na vitu vya kuchezea, kuchagua vitu kwa ukubwa au rangi, au hata kucheza na vipande vya puzzle vinaweza kuwa msingi mzuri wa kumfundisha mtoto hesabu. Unaweza kuzungumzia dhana kama “zaidi au wingi” na “kidogo,” “kubwa” na “ndogo,”.
V. Himiza mbinu za Kutatua Matatizo:
Mtoto anapoendelea kukua, msisitize shughuli za kutatua matatizo ambazo zinahusisha hesabu ya msingi. Hii inaweza kuwa rahisi kama kumwuliza ajue jinsi ya kuweka maumbo tofauti katika uwazi “ shape learning board/box” au kuweka maumbo ya namba husika.
Kumbuka, muhimu ni kuhakikisha hatua zote za kujifunza zinakuwa za kufurahisha, kushirikisha, na unaoendana na umri wa mtoto. Kwa mtoto wa mwaka mmoja, lengo kuu ni kujenga uhusiano chanya na hesabu na nambari badala ya kutarajia ufanisi mkubwa katika kuhesabia. Kadri anavyokua, unaweza kuanzisha hatua za juu kumfudisha hesabu.
